تمارين لمنطقه ما حول العينين


تمارين منطقه ما حول العين من اسهل وابسط التمارين اللى ممكن تتعمل فى اى وقت واى مكان وبسهوله بتقوى العضلات ما حول العين وتعطيها مظهر أكثر إشراقه ونعومه وشباب. مش بس كده, التمرين ده بيساعد على إصلاح التجاعيد ما حول العين, الجفون الساقطه, الهالات السوداء تحت العين.

بعد ما ترطبى بشرتك بأى مرطب زى ما أتفقنا فى خطوه الأستعداد (Shea Beauty).

- التمرين الأول:

1. أقفلى عين واحده كأنك بتغمزى.
2. أفتحى عينك تانى.
3. كررى 20 مره لكل عين.

- التمرين الثانى (تجاعيد العين):

مخصوص لخطوط رجل الغراب اللى بتظهر فى الجانب الخارجى من العين واللى بتحدث لما تيجى تضحكى جامد. فى الأول بتبدأ بخطوط رفيعه لكن لو أتسابت ومع الوقت بتبدى تتحول لخطوط أعمق وبالتالى تجاعيد. التمرين ده بيساعد على منع ظهورها او التخفيف من حدتها لو كانت ظهرت.
1. حطى صباع عند كل زاويه فى الجانب الخارجى من كل عين كما هو موضح بالفيديو التالى.
2. برفق أغلقى عينيكى بحيث تشعرى بمقاومه نتيجه وجود الأصابع.
3. أفتحى عنيكى.
4. كررى 20 مره.



- التمرين الثالث (الجفون الساقطه):

التمرين ده لمعالجه مشكله الجفن العلوى الساقط نتيجه التقدم فى السن واللى بيخلى شكلك مش بس كبير لا وكأنك تعبانه و مرهقه طول الوقت.

1. ضعى اصبع تحت الحاجب السفلى من كل ناحيه كما هو موضح بالفيديو.
2. نزلى الحاجب للأسفل مستخدمه مقاومه صوابعك اللى بتحاول ترفعه لفوق وأثبتى على الوضع ده لمده 5 ثوانى.
3. أرفعى حواجبك تانى.
4. كررى 20 مره.



- التمرين الرابع (للأنتفاخ حول العين):


المشكله ديه بتحصل بسبب عده عوامل منها ما هو طبيعى زى التقدم فى السن أو مرضى زى زياده نسبه الأملاح او الإرهاق الزائد.

1. ضعى أصبعك تحت المنطقه اسفل العين فى محاذاه منتصف الأنف تقريبا.
2.أسحبى برفق للأسف.
3. أغلقى عينيكى وأثبتى على هذا الوضع لمده 5 ثوانى.
4. أفتحى عينيكى.
5. كررى 20 مره لكل عين وممكن تعملى العينين مع بعض فى نفس الوقت.

ليست هناك تعليقات:

إرسال تعليق